എരുമേലി: ശബരിമല സീസണിൽ പോലീസുകാർക്ക് ട്രാഫിക് ഡ്യൂട്ടിക്കിടെ വിശ്രമത്തിനായി സ്ഥാപിച്ചിരുന്ന വെയ്റ്റിംഗ് ഷെഡിലേക്ക് നിയന്ത്രണം തെറ്റിയെത്തിയ കാർ ഇടിച്ചുകയറി. അപകടത്തിൽ ആർക്കും പരിക്കില്ല.
എരുമേലി രാജാപടി ഭാഗത്ത് റോഡരികിലുള്ള വെയ്റ്റിംഗ് ഷെഡിൽ കഴിഞ്ഞ ദിവസം രാത്രിയിലാണ് അപകടം. കാഞ്ഞിരപ്പള്ളി സ്വദേശികൾ സഞ്ചരിച്ച കാറാണ് അപകടത്തിൽപ്പെട്ടത്.
അപകടത്തില് തകര്ന്ന വെയ്റ്റിംഗ് ഷെഡ് പുനർനിർമിച്ചു നൽകണമെന്ന് നാട്ടുകാർ ആവശ്യപ്പെട്ടു. തൊഴിലാളികൾ ഉൾപ്പെടെ പകൽസമയത്ത് ഒട്ടേറെ പേർ വെയ്റ്റിംഗ് ഷെഡിൽ ഇരിക്കാറുണ്ട്. അപകട സമയത്ത് വെയ്റ്റിംഗ് ഷെഡിൽ ആരും ഇല്ലാതിരുന്നത് വലിയ ആപത്ത് ഒഴിവാക്കി.